Beth yw Coracle
Mae Coracle yn bartneriaeth dan arweiniad Prifysgol Cymru Y Drindod Dewi Sant a champws Wexford IT Carlow, Canolfan y Celfyddydau Wexford a Chynghorau Sir Gaerfyrddin a Wexford. Mae’r rhaglen hon o weithgareddau traws-ffiniol yn datblygu medrau lefel uwch er mwyn gwella cyflogadwyedd a chystadleurwydd ymhlith Ymarferwyr Creadigol yn Ne Ddwyrain Iwerddon a De Orllewin Cymru. Conglfaen y datblygiad hwn yw darparu cyrsiau gan bartneriaid addysg uwch a phellach.
Ar lefelau rhanbarthol a chenedlaethol mae cryfhau seilwaith y sector creadigol a diwylliannol yn allweddol i’w gynaliadwyedd. Mae darparu gradd MBA mewn Rheolaeth Celfyddydau Broffesiynol trwy bartneriaeth gan y ddau sefydliad addysg uwch yn mynd i’r afael â’r angen hwnnw trwy arfogi unigolion allweddol gyda’r medrau busnes i reoli elfennau o’r diwydiannau creadigol mewn ffordd strategol.
Ategir yr MBA gan nifer o gyrsiau byrion penodol ym meysydd busnes a galwedigaethol a gweithdai ymarferol. Mae hefyd yn rhannu gwybodaeth ac arfer gorau trwy brosiectau cyfnewid, cynlluniau interniaeth a chysylltiadau mentora anffurfiol ond dwys.
Rhan ganolog o’r prosiect yw’r wefan cyfryngau cymdeithasol hon sy’n cynnig cyfle unigryw gofod portffolio aml-gyfryngol i ymarferwyr creadigol. Thema gyffredinol Coracle yw gwyl. Mae gwyliau celfyddydau yn cynnig llwyfannau ar gyfer gwaith creadigol ac maent yn arddangos y datblygiad medrau a ddigwyddodd trwy’r buddsoddiad hwn yn y diwydiannau creadigol. Mae gwyliau celfyddydau hefyd yn cyfrannu at werth diwylliannol ychwanegol economïau’r rhanbarthau ac yn cael effaith uniongyrchol a chadarnhaol ar dwristiaeth ddiwylliannol a’r diwydiant lletygarwch.
Caiff Coracle ei rhan ariannu gan Gronfa Datblygu Rhanbarthol Ewrop (ERDF) trwy Raglen Iwerddon Cymru (INTERREG 4a)
